منتدى المهاجرين العرب الى استراليا


 
أدوات الموضوع انواع عرض الموضوع
قديم 01-25-2017, 03:49 PM   رقم المشاركة : [1]
qjjiijiqjiij
Administrator
 
Lightbulb CDR (competency demonstration report)


CDR (competency demonstration report)
ده تقرير بيطلب من المهندسين علشان يقنع مهندس زيه انه عنده خبره تأهلوا انه يعتمد من جهة المهندسين الإستراليين كمهندس او متخصص علشان يطلع يشتغل بنفس المهنه او المعادل ليها فى استراليا و ما يحتجش يعادل شهادته هناك لما يوصل.
التقرير ده بيكون من ثلاث حلقات كل حلقه بتشرح مشروع قام بيه المهندس و بيركز على دوره فى المشروع فديما يقول انا عملت او بالتعاون مع ادارة كذا انا عملت.
المشروع ده بيوضح للمهندس اللي حيقيمك اذا كنت مهندس او متخصص او غيره فركز انه يكون بيشمل دور تقني و دور تنظيمي و دور قيادي و دور تقريري و يكون عن مشروع فعلي زي مثلا تصميم نظام او خطة تسويق لمنتج هندسي او مدير لمشروع الخ....
حاول تكتب فى كل نقطه شيء محدد فقط من دورك فى المشروع علشان ده حيفيدك فى اللي انا حقوله تحت و ياريت تكون كل نقطه مش اكتر من 5 أو 6 سطور.
لازم تذكر فى كل حلقه اسم المكان اللى بتشتغل فيه و مكانه و نبذه مختصره عنه و الفتره اللى كان فيها المشروع و تعريف بسيط عن المشروع فى اول كل حلقه ثم يتبع بالهيكل الإداري للشركه و مكانك فيه ثم تفصيل مبدئي لدورك فى المشروع و خطوط عريضه عن دورك.
حاول و انت بتكتب تفهم اللى قدامك , احيانا بنكتب و احنا فاكرين الناس بتفكر زينا او عندهم نفس الخبره او المعلومات و ده بيخليهم ما يفهموش دورك فحاول جاهدا انك تفصل و توضح من غير تطول.
قبل ما تبدأ لخص المشروع فى دماغك و ارسمله خريطه تمشي عليها علشان ما تتوهش من نفسك فى النص و ركز دايما على اظهار نقط قوتك.
مش لازم تظهر بس مهاراتك الفنيه , المهارات التواصليه و القياديه و غيره مهم علشان تثبت انك مش فني او عامل انت مهندس و انسان فى نفس الوقت.
طيب السؤال الملح ازاي حنكتب CDR
فى حاجه اسمها summary statement دي فيها نقط معينه هم طالبين انك تبين انك عملتها او تعرفها من خلال ذكر المقاطع اللى انت طبقت فيها او ذكرت فيها اللي هم طالبينه , المفروض ان دي بتتعمل بعد ما تخلص كتابة المشروع و دي التريكه اللى انا ادركتها فى الأخر و اخدت مني وقت في التعديل , هو مثلا بيقولك قلنا فى مشروعك فين استخدمت ادوات التواصل فانت بتقول فى المقطع كذا و كذا , و احيانا حتلاقى حاجات هو عايزك تتكلم عنها لكن انت متكلمتش و اظهرتها و ده لانك ناسي ده ( فى الغالب المشروع ممكن يكون عدى عليه وقت كبير ) او مش مجمع ممكن تكتبها ازاي فعلشان كده انت حتعمل الأتي :
1- حتجمع كل من ال SS مع الخريطه اللى كتبناها فوق و تبني المقاطع علشان تغطي اللي هو طلبه مع اللى انت عملته فعليا
2- بعدها تبدأ تجمع النقط دى و ترتبها فيطلع مشروع من عدد من النقط.
3- تضيف اي نقط مطلوبه علشان توصل الفكره و تقفل بيها اي نقطه مش واضحه.
4- تختم المشروع بملخص بسيط مع ذكر ما اضافه المشروع ده ليك فنيا و مهنيا.
فى النهايه حاول ما تتأثر بغيرك فلو حتي معاك CDR من حد تعرفه بلاش حتي تاخد منه افكار الا لو كانت اداريه او ليها علاقه بالشكل علشان ما تتحولش تدريجيا لانك بتعيد الصياغه , كل ما كان ده كلامك فعلا كل ما كان سهل الأقتناع بيه غير انهم عندم ادوات مراجعه كتير يقدروا يعرفوا بيها مين اللي بينقل او بيقتبس.
تحت صور من CDR و SS كشكل فقط للي عايز يعرف بيكون شكلهم ازي.
بالتوفيق للجميع.

منقول



الصور المرفقة
نوع الملف: jpg 16114466_10153984790816707_7590962541151514180_n.jpg‏ (14.3 كيلوبايت, المشاهدات 12)
نوع الملف: jpg 16114534_10153984790891707_5185405584106730698_n.jpg‏ (39.4 كيلوبايت, المشاهدات 1)
نوع الملف: jpg 16142812_10153984790826707_2212118723102060560_n.jpg‏ (85.4 كيلوبايت, المشاهدات 1)
نوع الملف: jpg 16174884_10153984790941707_2318448663033587108_n.jpg‏ (68.8 كيلوبايت, المشاهدات 3)
نوع الملف: jpg 16195527_10153984790831707_1734468428647654333_n.jpg‏ (85.6 كيلوبايت, المشاهدات 4)
نوع الملف: jpg 16195897_10153984790966707_2491242405521579471_n.jpg‏ (58.7 كيلوبايت, المشاهدات 3)
qjjiijiqjiij غير متواجد حالياً  

الكلمات الدلالية (Tags)
cdr, competency, demonstration, report

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع
الساعة الآن 01:26 PM
Powered by vBulletin® Copyright ©2000 - 2019, Jelsoft Enterprises Ltd. TranZ By Almuhajir